Oor Suidwes
Sedert sy ontstaan in 1909 het Suidwes Beherend gegroei in 'n groot en gerespekteerde
landboubesigheid, geografies een van die grootste landboubesighede in Suid Afrika,
wat diens lewer aan ‘n gebied van 13.5 miljoen hektaar.
Suidwes Visie
"Die Eerste Keuse"
Suidwes Missie
Suidwes verskaf doelgerigte produksie insette, dienste en marktoegang
- op 'n geïntegreerde basis;
- in vennootskap met produsente;
- met uitmuntende klantediens; en
- met dinamiese en innoverende personeel
om vir sy klante waarde toe te voeg en vir sy aandeelhouers opbrengs te lewer.
Suidwes Beleggings Beperk is 'n landbou-beleggingsmaatskappy wat op 16 Augustus
1909 sy ontstaan gehad het met die registrasie van die Wolmaransstad Coöperatieve
Landbouw Vereeniging. Suidwes het in die laaste honderd jaar ‘n toonaangewende rol
in verskeie areas van die Suid-Afrikaanse landbou vertolk. Dit het ontwikkel van
'n klein koöperasie na ‘n moderne, toekomsgerigte en tegnologies-gevorderde
eerstewêreldse landboumaatskappy, wat tesame met sy filiale, een van die grootste
landboumaatskappye in Suid-Afrika is.
Vorige logo's van die Maatskappy
In 1998 is Suidwes omskep in 'n groep van publieke maatskappye. Die Groep se
struktuur sien tans soos volg daar uit:
Die Groep se identiteit is 'n spieëlbeeld van die aard van hul klante se besigheid
- blou simboliseer water en groen groei, soos in die logo's hieronder versinnebeeld:
Die Groep word vanuit sy Hoofkantoor te Leeudoringstad in die Noordwes Provinsie
bedryf en het 60 bedryfspunte, wat almal strategies in ons bedieningsgebied geleë
is om effektiewe diens aan klante te lewer.
Die Groep se kernbesigheid spreek die primêre behoeftes en belangstellings van landbou-produsente
aan. Veranderende omstandighede, asook die behoeftes van klante, word aangespreek
deur innoverende bemarking en finansiële produkte en dienste wat insluit tegnologies-gevorderde
boerdery-ondersteuningsdienste, en presisieboerderyprodukte en advies. By wyse van
sy handelsmaatskappye, naamlik Suidwes Graan, Suidwesfin, Wesmark, Wesmeg en Terratek,
bied die Groep 'n diverse en kompeterende reeks produkte en dienste aan landbou-produsente,
insluitend die hantering en opberging van graan, die bemarking van graan en afgeleide
instrumente vir landbou, die bemarking van primêre landbou-insette deur handelstakke
en veevoerdepots, die verskaffing van krediet, versekeringsdienste, landboumasjinerie
en -implemente, met ondersteunende onderdelesentrums en werkswinkels.
Aktiewe handelsmerke (sedert 2008)
Suidwes se huidige Raad van Direkteure bestaan uit twee uitvoerende direkteure,
twee onafhanklike en sewe boeredirekteure (waarvan een posisie tans vakant is):
Boeredirekteure
Voorsitter
Mnr Pierre Vercueil
|
Ondervoorsitter
Mnr Gert Malherbe
|
Mnr Hansie Viljoen
|
Mnr Piet Delport
|
Mnr Koos le Roux
|
Mnr Frans Marx
|
Onafhanklike direkteure
Mnr John Trollope
|
Mnr Denis Robertson
|
Uitvoerende direkteure
Besturende Direkteur
Mnr Schalk Pienaar
|
Direkteur: Finansies
Mnr George Potgieter
|
Topbestuur
Hoofbestuurder:
Korporatiewe Dienste
Mnr Phillip van der Merwe
|
Groepsekretaris
Mnr David Theron
|
Hoofbestuurder:
Suidwesfin
Mnr Essie Esterhuizen
|
Hoofbestuurder:
Wesmark, Wesmeg en Krediteure
Mnr Danie Bruwer
|
Hoofbestuurder:
Graan
Mnr Jerry Maritz
|
|