Suidwes Fin Finansiering
|
|
Die Finansieringsafdeling van Suidwes Fin bied met trots die volgende pakkette aan
kliënte:
Produksiekrediet
Die doel is om aan die kliënt krediet te verskaf vir die aankoop van produksiemiddele
vir die vestiging van 'n oes. Die goedkeuring word gedoen aan die hand van die kliënt
se bate/laste-verhouding, sekuriteit en enkele ander vereistes wat met die kliënt
bespreek sal word.
Hulpbronverbeteringskema
Die doel is om kliënte te help met die chemiese regstelling van akkerbougrond. Die
koste van Terratek se dienste, asook wat benodig word vir die regstelling van die
hulpbron (grond), word op die skema gefinansier. Die bedrag gefinansier is terugbetaalbaar
in vier gelyke paaiemente oor 'n tydperk van vier jaar.
DPO-lening
Met die graan gelewer in enige Suidwes-silo, kwalifiseer u as kliënt om in die skema
te deel. 'n Voorskotbedrag - soos jaarliks bepaal - sal aan u as kliënt toegestaan
word en die graan sal as sekuriteit dien. Die kliënt kan dus verpligtinge nakom
en terselftertyd deel in 'n moontlike beter prys vir sy graan.
Huurkope
Die skema is beskikbaar om Suidwes-klante finansieel by te staan met die aankoop
van duursame kapitaalgoedere.
Veeskema
Daar is twee skemas vir kliënte beskikbaar:
- Aankoop van grootvee en/of voer en lekke:
U as kliënt koop die produk aan en Suidwes Fin betaal dan die verskaffer se faktuur
namens u. Die termyn word ook daarvolgens bepaal en is terugbetaalbaar twaalf maande
na aankope. Eersteklas-sekuriteit is 'n vereiste vir die lening.
- Huurkoop - aanteelvee:
Hierdie opsie is beskikbaar aan saaiboere wat hulle veefaktor wil uitbrei. Tydperk
is 60 maande maksimum.
Omskakeling na weiding
Die skema is beskikbaar aan kliënte wat marginale grond wil omskakel na weiding.
10% van lande kan per jaar omgeskakel word op die skema.
Maandrekening
Die rekening word aan kliënte beskikbaar gestel om maandeliks kleiner aankope te
doen. Betalings geskied 30 dae na staat. Seker voordele is beskikbaar op rekening
indien betaling vroeg ontvang word.
Multirisikoversekering
Sien punt 3 onder die Versekeringsafdeling.