|
Menige produsent het al sy vingers verbrand deur self graan op te berg en/of te
bemark. Probleme is ondervind met onder andere insekte in graan, graadverlies tydens
opberging en kopers wat weier om graan aan te koop wat nie behoorlik gegradeer en
opgeberg is nie. Kopers stel 'n premie op die kontrolefunksie wat ons silo's
in hierdie verband verrig.
Suidwes Graan berg produsente se graan deur middel van die massahantering van graan
in 16 betonsilo's wat strategies dwarsoor die Suidwes-graanproduksiegebied versprei
is. Hierdie silo's word bedryf deur goed-opgeleide personeel met die kundigheid
om graan effektief te hanteer, en word bygestaan deur bemarkers en landboukundiges.
Graankwaliteit geniet 'n hoë prioriteit by Graanhantering. Graan word byvoorbeeld
gereeld berook teen insekte en erkende standaarde in graderingspraktyke word toegepas.
Koperstevredenheid, wat ook langtermynverbintenisse bevorder, word hoog deur ons
aangeslaan. Produsente kan dus verseker wees van kwaliteit diens met betrekking
tot graanhantering en –bemarking, omdat die fasiliteite en kundigheid beskikbaar
is. Opbergers soos produsente, hoef dus nie bekommerd te wees oor verlies van graankwaliteit
nie en kan al hul energie en tyd aan die boerdery bestee.
|