Suidwes Fin Versekering
|
|
Die Versekeringsafdeling van Suidwes Fin bied met trots die volgende pakkette aan
kliënte:
Korttermynversekering
Suidwes Fin het ooreenkomste met al die gevestigde versekeraars om u roerende bates
te verseker teen onvoorsiene verliese. Ons beskik oor professionele adviseurs met
uitstekende landboukennis wat u behoeftes ten beste sal aanspreek.
Oesversekering
Ons het al die rolspelers in die oesversekeringsmark tot u beskikking en ons ondersteuning
kan vir u van onskatbare waarde wees wanneer ons vir u versekering op u oes reël
teen hael, ryp en brand.
Multirisikoversekering
Ons het 'n unieke multirisikoproduk ontwikkel wat die produsent kan beskerm teen
uitstaande verpligtinge van 'n vorige jaar. Die produk (onderhewig aan voorwaardes)
het uiters kompeterende tariewe en word per plaas toegestaan. Dit sluit ook 'n prysverskansing
teen moontlike kapitaalverliese as gevolg van stygende kommoditeitspryse in. Hierdie
produk is losstaande van die algemene multirisikoproduk soos aangebied deur die
oesversekeraars.
Kredietlewensversekering en omsettingsopsies
Ons bied, in samewerking met Finansiering, kredietlewensversekering aan produsente
om u te beskerm teen moontlike skulde ten tye van u afsterwe. Die produsent wat
deel aan die kredietlewensversekering al dan nie, het die geleentheid om hierdie
dekking te vervang en/of dekking te reël by enige versekeraar op sy/haar lewe ten
einde voorsiening te maak dat verpligtinge vereffen word ten tye van dood.
Mediese versekering
Ons het ooreenkomste met al die leiers in mediese versekering ten einde aan ons
kliënte die beste moontlike produk te verskaf wat sy/haar behoeftes aanspreek. Onvoldoende
kommunikasie en 'n gebrek aan advies skep 'n baie negatiewe beeld by die gebruiker
van mediese versekering – ons sal hierdie probleem vir u oplos.
Lewensversekering
Ons het kundige lewensadviseurs om u van hulp te wees met finansiële beplanning,
wat insluit beleggings- en belastingadvies, asook boedelbeplanning. Ons het ook
die ondersteuning van professionele regsadviseurs om u te adviseer oor die entiteite
wat u moet oorweeg om u boerdery te bedryf.
Algemene dienste
Versekeringspremies kan op die produsent wat dit verkies, se maand- en/of produksierekening
gedebiteer word soos en wanneer Finansiering hiertoe magtiging verleen.